iPad: Системски поставки

Контролирајте го вашиот iPad, вклучувајќи ги звуците што таблетот ги испушта, времето и датумот.

Научете како да ја приспособите јачината на мелодијата на ѕвонење и предупредувањата, како да поставите тон на ѕвонење на FaceTime и тон на нова е-порака и како да поставите датум и време на таблетот за да се приспособува автоматски на летно сметање на време или различни временски зони.

Пред да почнете

Во презентациите на овој курс се користи iPad без физичко копче Дома (Home button). Ако вашиот таблет е различен, некои од чекорите може малку да се разликуваат, но сепак ќе можете да ги следите.

Пред да почнете, бидете сигурни дека iPad е вклучен, целосно полн и дека го покажува копчето Дома (Home button). Исто така, вашиот софтвер треба да биде ажуриран.

Можете да пристапите до сите системски поставки (system settings) што се споменуваат во овој водич со стартување на апликацијата Поставки (Settings app).

Како да ја измените мелодијата на ѕвонење и јачината на тонот на предупредувања

Опцијата на менито Звуци (Sound) дава опции за контролирање на јачината на звук на одделни одлики:

Ѕвонче и предупредувања (Ringer and alerts) имаат лента за зголемување (десно) или за намалување (лево) на јачината на звук
опцијата Измени со копчиња (Change with Buttons) е исклучена за да се избегне намалување на јачината на звук на ѕвончето додека ја приспособувате јачината на звук на музика или видеозапис.

Како да изберете мелодија на ѕвонење и тон на нова е-порака

Можете да изберете каков звук ќе емитува таблетот кога некој ве повикува преку FaceTime (мелодија на ѕвонење) или ви праќа текстуална порака (тон на текстуална порака):

допрете на Мелодија на ѕвонење (Ringtone), а потоа на која било мелодија во списокот за да слушнете примерок. Во горниот лев агол допрете на Звуци (Sounds) за да го поставите како мелодија на ѕвонење.
допрете на Нова е-порака (New Mail), а потоа на кој било тон за предупредување во списокот за да слушнете примерок. Допрете на Звуци (Sounds) за да ја поставите таа мелодија како мелодија што ве известува дека сте добиле нова е-порака.
можете да изберете мелодии за други видови предупредувања ако го разгледате списокот на страницата со Звуци (Sounds).

Страницата со Звуци (Sounds) има опција Кликови на тастатура (Keyboard Clicks) во близина на долниот дел. Исклучете ја оваа опција за да не слушате звуци кога пишувате на тастатурата, особено кога го користите iPad во тивка соба.

Како да поставите датум и време

Менито на Поставки (Settings menu) има опција Општо (General) каде можете да ги најдете Датумот и времето (Date & Time). Кога опцијата Постави автоматски (Set Automatically) е вклучена, iPad ги зема датумот и времето од интернет и го приспособува и летното сметање на време.

Исклучете го ако сакате да го поставите времето рачно или ако сакате да ја измените временската зона (time zone). За да го измените датумот (date), допрете под Временска зона (Time Zone) и употребете го календарот (calendar).

За да ја смените Временската зона (Time Zone), допрете го името на градот што се наоѓа десно од Временската зона, а потоа употребете ја лентата за пребарување за да го најдете градот најблиску до вас. Допрете го името на градот кога ќе се појави.